Ғылыми жобалар

Жоба білім нәтижелері төмен мектептерді қолдауға бағытталған Қазақстандағы «Мақсатты мектептер» жобасының іске асырылуын кешенді талдауға арналған. Зерттеуде мектептерді іріктеу тетіктері, қажеттіліктерді диагностикалау, педагогтердің біліктілігін арттыру бағдарламалары, басқарушылық сүйемелдеу және нәтижелерді мониторингілеу сияқты бастаманың институционалдық, ұйымдастырушылық және кәсіби қырлары қарастырылады.
Зерттеу дизайны құжаттар мен білім беру саясатын талдауды, онлайн-сауалнаманы, жартылай құрылымданған сұхбаттарды, тақырыптық талдауды, халықаралық салыстырмалы шолуды және библиометриялық талдауды біріктіреді. Жоба нәтижелері ғылыми жарияланымдар, талдамалық материалдар мен мектептерді қолдау тетіктерін жетілдіруге және Қазақстандағы білім берудегі теңсіздікті қысқартуға арналған практикалық ұсынымдар дайындауға пайдаланылады.