Тарихы

«Экономика және халықаралық бизнес» кафедрасы 1993 жылы «Экономикалық география және салалық экономикалар» (1978–1989 жж.) және «Салалар мен аумақтар экономикасы және жоспарлау» (1989–1993 жж.) кафедралары негізінде құрылды. 2011 жылы «Экономикалық теория» кафедрасымен біріктірілді.

Білім алушылар

Кафедрада ұсынылған білім беру бағдарламалары бойынша студенттер білім алады. Олардың қатарында мемлекеттік грант иегерлері, «Алтын белгі» төсбелгісінің иегерлері, Қазақстанның басқа өңірлерінен келген студенттер және Германия, Өзбекстан, Ресей, Әзербайжан, Түрікменстан азаматтары бар.

Түлектерді жұмысқа орналастыру

Кафедра түлектерінің жұмысқа орналасу деңгейі – 95%.

Оқытушылар құрамы

Кафедрада ғылым докторлары, ғылым кандидаттары, ғылым магистрлері және мол тәжірибесі бар практик-мамандар қызмет атқарады.

Диссертациялық кеңес

Кафедра жанында 8D04101 – Экономика білім беру бағдарламасы бойынша философия докторы (PhD) дәрежесін алу үшін диссертацияларды қорғау жөніндегі диссертациялық кеңес жұмыс істейді.

Ғылыми қызмет

Экономика және халықаралық бизнес кафедрасы экономика мен халықаралық бизнестің түрлі аспектілерін тереңдетіп зерделеуге бағытталған ғылыми зерттеулер мен білім беру қызметін дамытуда басты рөл атқарады. Кафедра жұмысының негізгі бағыттары Қазақстан экономикасының бәсекеге қабілеттілігін қамтамасыз етудің институционалдық негіздерін зерттеуді, әлеуметтік-экономикалық мәселелерді талдауды, кәсіпкерлікті дамытуды, макро- және микроэкономикалық процестерді, халықаралық сауданы зерделеуді, сондай-ақ инновациялық технологияларды енгізуді және бизнес-процестерді цифрландыруды қамтиды.

Кафедра мемлекеттік және жеке құрылымдармен белсенді ынтымақтаса отырып, экономикалық өсуді қолдауға және бизнес-ортаны жаңғыртуға бағытталған жобаларды әзірлейді. Кафедра оқытушылары мен білім алушылары жаңа бизнес-модельдерді құруға белсене қатысады, халықаралық экономикалық трендтерді зерттейді және Қазақстанның қарқынды дамып келе жатқан экономикасы жағдайында бейімдеуге болатын шешімдерді әзірлейді. Бұдан бөлек, кафедра жаһандық экономикалық өзгерістерді талдауға ерекше көңіл бөледі, бұл білім алушылар мен ғалымдарға заманауи тенденциялар мен халықаралық бизнестің сын-қатерлерін тереңірек түсінуге мүмкіндік береді.

Кафедра қызметінің маңызды бағыттарының бірі — ұлттық және халықаралық деңгейде ғалымдар мен практиктер арасында білім мен тәжірибе алмасуға ықпал ететін ғылыми конференциялар мен семинарлар өткізу. Бұл іс-шаралар аясында экономиканың, инновациялар мен цифрлық технологиялардың өзекті мәселелері талқыланады, бұл қатысушылардың өрісін кеңейтуге және ғылыми ой-пікірдің дамуына үлес қосуға мүмкіндік береді.

Кафедраның ғылыми зерттеу нәтижелері рецензияланатын ғылыми журналдарда жарияланады, бұл академиялық жұмыстың жоғары деңгейін дәлелдейді. Бұл жарияланымдар халықаралық бизнес саласындағы теориялық зерттеулерден бастап қазақстандық кәсіпорындардың бәсекеге қабілеттілігін арттыру саласындағы практиктерге арналған шешімдерге дейінгі кең ауқымды тақырыптарды қамтиды. Білім алушылар ғылыми зерттеулерге белсене тартылып, жобаларға қатысады және өз жұмыстарын өңірлік әрі халықаралық конференцияларда ұсынады, бұл оларға кәсіби дағдыларын дамытуға және болашақта табысты мансап құруға жол ашады.

Қызметтің негізгі аспектілерінің бірі — шетелдік дәріскерлерді жүйелі түрде шақыру. Түрлі елдерден келген сарапшылар өз тәжірибелерімен бөлісіп, әлемдік экономика мен бизнестің өзекті мәселелерін талқылай отырып, дәрістер мен шеберлік сыныптарын өткізеді. Бұл білім алушылар мен кафедра оқытушыларына халықаралық тәжірибелермен және тәсілдермен танысуға мүмкіндік беріп, жаһандық процестерді тереңірек түсінуге және әлемдік экономикалық кеңістікке кірігуге ықпал етеді. Халықаралық ынтымақтастық жоғары білікті мамандарды даярлауға мүмкіндік беріп, кафедраның білім беру бағдарламаларын айтарлықтай нығайтады.

Осылайша, экономика және халықаралық бизнес кафедрасы ғылыми ой-пікір мен инновациялардың дамуына белсенді ықпал етіп қана қоймай, жаһандық экономика мен бизнесті цифрлық трансформациялау жағдайында тиімді жұмыс істеуге қабілетті жоғары білікті мамандарды даярлауда маңызды рөл атқарады.

Академиялық ұтқырлық

Кафедра ішкі және сыртқы академиялық ұтқырлық бағдарламаларын белсенді жүзеге асырады.

2024 жылдан бастап студенттер мен магистранттар Ресей, Өзбекстан және Украина жетекші жоғары оқу орындарымен академиялық алмасуға қатысты. Есептік кезеңде 39 студент пен магистрант шетелге шықты.

Кафедрада Тамбов мемлекеттік техникалық университеті, Одесса қаласындағы Зияткерлік технологиялар және байланыс мемлекеттік университеті, Ферғана мемлекеттік техникалық университеті студенттері білім алуда.

Ағымдағы жылы білім алушылар саны – 20 студент пен магистрант.

Кафедраға қонақ дәрістерін өткізу үшін келесі шетелдік профессорлар келді:

• э.ғ.д., профессор О. Борзенко, Украинаның ҰҒА (Ұлттық ғылым академиясы) Экономика және болжау институты (Киев қ., Украина);

• э.ғ.д., профессор М. Петрова, Мәдени және әлеуметтік-экономикалық еуропалық ынтымақтастық қауымдастығы, «ACCESS PRESS» баспасы;

• э.ғ.д., профессор Т.К. Блохина, «М.В. Ломоносов атындағы Мәскеу мемлекеттік университеті» ЖББФББМ (жоғары білім берудің федералдық мемлекеттік бюджеттік білім беру мекемесі) (Ресей, Мәскеу қ.);

• э.ғ.к., доцент Н.С. Лукашевич, «Ұлы Петр атындағы Санкт-Петербург политехникалық университеті» ЖЗББМББМ (Ресей, Санкт-Петербург қ.);

• э.ғ.д., профессор А.Б. Моттаева, «Ұлттық зерттеу Мәскеу мемлекеттік құрылыс университеті» ЖББФББМ (Жоғары білім берудің федералдық мемлекеттік бюджеттік білім беру мекемесі), Ресей Федерациясының Ғылым және жоғары білім министрлігі (Ресей, Мәскеу қ.);

• PhD, Professor, Nicola-Gavrila Laura, SpiruHaret University (Romania);

• э.ғ.д., профессор Е.П. Чукурна, Мемлекеттік интеллектуалды технологиялар және байланыс университеті (Одесса қ., Украина);

• э.ғ.д., профессор Л.А. Корчевская, Херсон ұлттық техникалық университеті (Херсон қ., Украина);

• т.ғ.к., доцент Руслана Селезнёва, Жоғары бизнес мектебі – Луис ұлттық университеті (Новы-Сонч қ., Польша);

• т.ғ.д., профессор Ш.Ш. Хамдамова, Халықаралық тамақ өнімдері технологиялары және инженерия институты (Ферғана қ., Өзбекстан);

• э.ғ.к., ассистент А.А. Суркова, Ресей халықтар достығы университеті (Мәскеу қ., Ресей);

• э.ғ.д., профессор А.М. Кадиров, э.ғ.д., профессор Э.А. Муминова, э.ғ.к., доцент Ш.Н. Ахунова, Ферғана мемлекеттік техникалық университеті (Ферғана қ., Өзбекстан).

Аккредиттеу және көшбасшылық

Кафедраның барлық білім беру бағдарламалары ұлттық аккредиттеуден өткен және ұлттық рейтингтерде лайықты орындарға ие.

«Атамекен» рейтингінде:

Бакалавриат:

• 2021 жылы 6В04114 – «Әлемдік экономика» білім беру бағдарламасы 1-орын және 6В04103 – «Экономика» білім беру бағдарламасы 13-орын иеленді.

• 2022 жылы 6В04114 – «Әлемдік экономика» білім беру бағдарламасы 4-орын және 6В04103 – «Экономика» білім беру бағдарламасы 20-орын иеленді.

• 2023 жылы 6В04114 – «Әлемдік экономика» білім беру бағдарламасы 2-орын және 6В04104 – «Кәсіпкерлік және жобаларды басқару» білім беру бағдарламасы 3-орын иеленді.

• 2024 жылы 6В04114 – «Әлемдік экономика» білім беру бағдарламасы 2-орын және 6В04103 – «Экономика» білім беру бағдарламасы 8-орын иеленді.

• 2025 жылы 6В04103 – «Экономика» білім беру бағдарламасы 8-орын және 6В04114 – «Әлемдік экономика және кедендік реттеу» білім беру бағдарламасы 5-орын иеленді.

БСҚТА (Білім беру сапасын қамтамасыз ету бойынша тәуелсіз агенттігі) рейтингінде

Бакалавриат:

• 2021 жылы 6В04114 – «Әлемдік экономика және кедендік реттеу» білім беру бағдарламасы 2-орын, 6В04104 – «Кәсіпкерлік және жобаларды басқару» 7-орын, 6В04103 – «Экономика» 6-орын және 6В04114 – «IT-кәсіпкерлік және цифрлық экономика» 4-орын иеленді.

• 2022 жылы рейтингке қатысқан жоқ.

• 2023 жылы рейтингке қатысқан жоқ.

• 2024 жылы 6В04104 – «Кәсіпкерлік және жобаларды басқару» білім беру бағдарламасы 6-орын, 6В04114 – «Әлемдік экономика» 6-орын, 6В04103 – «Экономика» 6-орын және 6В04114 – «IT-кәсіпкерлік және цифрлық экономика» 6-орын иеленді.

Магистратура:

• 2021 жылы 7М04114 – «Әлемдік экономика» білім беру бағдарламасы 3-орын, 7М04103 – «Экономика» 3-орын және 7М04114 – «IT-кәсіпкерлік және цифрлық экономика» 1-орын иеленді.

• 2022 жылы рейтингке қатысқан жоқ.

• 2023 жылы рейтингке қатысқан жоқ.

• 2024 жылы 7М04114 – «Әлемдік экономика» білім беру бағдарламасы 6-орын, 7М04103 – «Экономика» 6-орын иеленді.

Докторантура:

• 2024 жылы 8D04101 – «Экономика» білім беру бағдарламасы 6-орын иеленді.