ЭКОНОМИКА ЖӘНЕ ХАЛЫҚАРАЛЫҚ БИЗНЕС КАФЕДРАСЫ

Экономика және халықаралық бизнес кафедрасына қош келдіңіз

Экономика және халықаралық бизнес кафедрасы бизнес және басқару саласында жоғары және жоғары оқу орнынан кейінгі білімі бар мамандарды бакалавриат, магистратура және докторантура бағдарламалары бойынша даярлайды. Оқудың артықшылығы – қос дипломды білім беру, академиялық ұтқырлыққа қатысу және инновациялық білім беру бағдарламалары аясында заманауи пәндерді оқу. Студенттерге еңбек нарығында сұранысқа ие болашағы бар пәнаралық білім беру бағдарламалары ұсынылады. Кафедра "Цифрлық экономика", "Халықаралық бәсекеге қабілеттілік", "Инновациялық кәсіпкерлік және стартаптар", "Жобаларды басқару", "Foreign trade policy" сияқты өзекті пәндерді зерделеуді ұсынады. Кафедрада Өзбекстан, Ресей, Германия, Әзірбайжан азаматтары білім алуда. Кафедра жанында бизнес-зертханасы бар жастар кәсіпкерлігі орталығы, коворкинг орталығы, қолданбалы экономика және бизнес кабинеті жұмыс істейді. Орталық жұмысы студенттердің «ENACTUS» бағдарламасына қатысуымен, хакатондар мен стартап-жобалар конкурстарындағы жеңістерімен ерекшеленеді. Кафедраның ғылыми қызығушылықтары Қазақстан экономикасының бәсекеге қабілеттілігін арттыру, әлеуметтік-экономикалық мәселелерді шешу және кәсіпкерлік пен инновацияларды дамытумен байланысты.