Тарихы: 

«Маркетинг» кафедрасы 1972 жылы Қарағанды мемлекеттік университетінің негізі қаланған кезде бірге құрылды. Кафедраның бастапқы атауы – «Экономика және материалды-техникалық жабдықтауды жоспарлау». Кафедраның негізін қалаған техника ғылымдарының кандидаты, доцент – Сагиндыков Уржан Сагындыкович. Кафедрада көп жылдар бойы С.И.Городничев, С.С.Аменова, А.Д.Дюсембаев, А.А.Аубакирова, Р.С.Каренов, В.С.Степаненко, В.К.Сайбель, А.М.Зеваков, Э.А.Нам, Т.К.Кылышбеков, Е.Н.Набиев, М.К.Кожахметов, Б.Б.Байдуллаев, А.Т.Тулегенов, Р.А.Яушев, Ж.М.Шаекина, С.К.Базарова, Т.Х.Смаилов, А.Ж.Койтанова және т.б. танымал мамандар қызмет атқарды. Әр жылдары кафедраны профессорлар С.С.Аменова, Б.Б.Байдуллаев, Р.С.Каренов, А.Т.Тлеубердинова, А.А.Дүйсембаев, Д.Г.Мамраева басқарды.

2002 жылы оқу жүктемесінің ұлғаюына байланысты кафедра «Маркетинг» және «Менеджмент» кафедраларына бөлінді.

2025 жылдан бастап кафедраны PhD, қауымдастырылған профессор Алмас Төлеуұлы басқарады.

Оқытушылар:

Қазіргі уақытта кафедрада ғылыми дәрежесі және магистр дәрежесі бар 17 оқытушы жұмыс жасайды. Сонымен бірге қосымша қызмет ретінде бизнес-қауымдастық өкілдерінің қызмет атқаруы да оқытылатын пәндердің сапасына жағымды әсер етеді.

Кафедра оқытушылары бірнеше шет тілдерін (ағылшын, неміс, француз, испан) меңгерген, бұл тиісті халықаралық сертификаттармен расталады.

Д.Г.Мамраева, Л.В.Ташенова «Нарықты талдау саласындағы қызмет», «Әлеуметтік желілерді басқару» (SMM) бағыттары бойынша «Атамекен» Қазақстан Республикасының Ұлттық кәсіпкерлер палатасымен бекітілген Қазақстан Республикасының Кәсіби стандарттарын әзірлеушілер болып табылады.

Кафедра оқытушыларының ішінде Муканов Б.О. ҚР ҒЖБМ Ғылым комитеті қаржыландыратын гранттық жобалардың (Жоба тақырыбы: «Неономадизм мен этникалық әртүрліліктің қала құрылысы концепциясы негізінде өмір сүру ортасының нев үлгісін әзірлеу») ғылыми қызметкері. Scopus деректер базасында индекстелетін жоғары рейтингті журналдарда және ҚР БҒМ БҒССҚК журналдарында жарияланған мақалалардың авторы. Арынова Ж.З. «Мейрамхана және қонақ үй бизнесіндегі баға саясаты», «Логистика», «Салалардағы баға белгілеу» оқулықтары, оқу құралдары мен практикумдарының; «Қазақстанда логистикалық инфрақұрылымды дамытудың заманауи үрдістері» монографиясының; сондай-ақ Scopus деректер базасында индекстелетін жоғары рейтингті журналдарда және ҚР БҒМ БҒССҚК журналдарында жарияланған мақалалардың авторы. Ғылыми конференциялардың жеңімпаздары болған студенттер мен магистранттардың ғылыми жетекшісі. Аяганова М.П. студенттер мен магистранттар арасындағы ғылыми конференциялар мен олимпиадалардың жеңімпаздарының ғылыми жетекшісі. ҚР ҒЖБМ Ғылым комитеті қаржыландыратын гранттық жобалардың ғылыми қызметкері. Нурмаганбетова А.Ж. «Салалардағы баға белгілеу» оқу құралының, сондай-ақ Scopus деректер базасында индекстелетін жоғары рейтингті журналдарда және ҚР БҒМ БҒССҚК журналдарында жарияланған мақалалардың авторы.

Профессорлық-оқытушылар құрамының бейіндері Scopus, Clarivate Analytics (Publons), Google Scholar, ResarchGate, ORCID, LinkedIn және басқа да ғылыми-метрикалық мәліметтер базаларында белсенді түрде ұсынылған, бұл оларға шетелдік әріптестерімен бірлескен ғылыми басылымдарды дайындауға, гранттық жобаларды дайындауда белсенді ынтымақтастық жасауға, бірлесіп түрлі халықаралық іс-шараларды өткізуге мүмкіндік береді.

Кафедра оқытушылары «Qazaq Geography» Республикалық қоғамдық бірлестігінің (Д.Г.Мамраева, Л.В.Ташенова), «Авалон» тарихи-географиялық қоғамының (Г.М.Оспанов) толық мүшелері; аға оқытушылар Д.Т.Нұрсұлтан, Н.Б.Хасенханов, Л.В.Ташенова спорттық туризмде спорттық санаттарға ие.

Академиялық ұтқырлық және тағылымдамалар:

Кафедра оқытушылары біліктіліктерін үнемі жетілдіріп отырады. Жекелей айтқанда, шетелдерге іссапарларға, ғылыми тағылымдамаларға барады, конференцияларға, симпозиумдарға, семинарларға қатысады, Coursera сияқты халықаралық білім беру платформаларында білім алады (2019-2021 оқу жылдарында 30-дан астам сертификат алған):

- 2015 жылғы 12-23 қазан – э.ғ.к., профессор Д.Г.Мамраева және э.ғ.м., аға оқытушы Л.В.Ташенова ғылыми тағылымдама аясында Дүниежүзілік зияткерлік меншік ұйымына барды (Швейцария, Женева қаласы);

- 2016 жылғы 20-25 қыркүйек – э.ғ.к., профессор Д.Г.Мамраева және э.ғ.м., аға оқытушы Л.В.Ташенова Петербургтегі IX халықаралық инновациялық форумның қатысушылары болды (РФ, Санкт-Петербург қаласы);

- 2017 жылғы 19-27 шілде – ғылыми тағылымдама аясында э.ғ.к., профессор Д.Г.Мамраева және э.ғ.м., аға оқытушы Л.В.Ташенова Кембридж инновациялық орталығына (CIC) іссапармен барды (Нидерланды, Роттердам қаласы);

- 2018 жылы э.ғ.к., профессор Д.Г.Мамраева және э.ғ.м., аға оқытушы Л.В.Ташенова Дүниежүзілік туристік ұйымға (Мадрид қаласы); 2019 жылы Чехия мемлекетінің Ақпараттық орталықтар қауымдастығына іссапармен барды;

- Жоғарыда аталған оқытушылар 2016 жылдан бастап жыл сайын Ресей Ұлттық кітапханасының (Санкт-Петербург) тұрақты келушілері болып табылады.

- Есепке алынатын кезеңде э.ғ.м., аға оқытушы Д.М.Усенова Томаш Бат университетінде (Чехия Республикасы) тағылымдамадан өтті.

- 2024 жылы 14-24 қазан – «Жоғары білім саласында инновациялық оқытудың стратегиялары» атты ғылыми тағылымдама аясында PHD, қауымдастырылған профессор Аяганова М.П. Түркия мемлекетіне (Түркия, Кастамону Университеті) іссапармен барды.

Білім алушылар:

2024-2025 оқу жылында кафедра студенттерінің жалпы контингенті шамамен 264 адамды құрады, оның 25%-ы мемлекеттік білім грантында оқиды. Соңғы үш жылда кафедра мамандықтары бойынша студенттердің орташа өсімі 27%-ды құрады. Бұл ұсынылған білім беру бағдарламаларының танымалдылығын көрсетеді. Кафедра студенттері жыл сайын Президент стипендиясының, Тұңғыш Президент Қорының стипендиясының иегерлері, пәндік халықаралық және республикалық олимпиадалардың, ғылыми және шығармашылық байқаулардың жеңімпаздары ретінде танылуда. 2025 жылы кафедраның «Маркетинг және SMM» білім беру бағдарламасының 3 курс студенті Дернова Валерия профессор Қаракесов атындағы атаулы стипендияның иегері атанды. 2025 жылы Астана қаласында өткен белсенді туризм түрлерінің техникасы мен тактикасы бойынша VIII Халықаралық олимпиадада Нұршуақ Бақтиярұлы бастап барған «Орталық» командасы «Спорттық-бұқаралық іс-шаралар арқылы балалар және жастар туризмі» тақырыбындағы жобасымен қазылар алқасының жоғары бағасына ие болып, 2-орынды иеленді. Сонымен қатар олимпиаданың қорытынды нәтижесі бойынша «Орталық» командасы жалпыкомандалық есепте 3-орынға лайық деп танылды.

Жұмыспен қамту:

Бакалавриат бағдарламалары бойынша орташа жұмыспен қамту көрсеткіші 87% шамасында, магистратура бағдарламалары бойынша 100%-ды құрайды.

Жобалар:

«Инновациялық үрдісті тиімді басқару механизмін және мәселелерді анықтау мақсатында Қазақстан Республикасында инновацияларды коммерцияландыру үрдісін зерттеу» (тапсырыс беруші – ҚР БҒМ; 2015-2017 жж.; жетекші – э.ғ.к., қауымдастырылған профессор, маркетинг кафедрасының профессоры Д.Г.Мамраева);

- «Қазақстанның туристік-рекреациялық әлеуетін интегралды көпфакторлы бағалау және бәсекеге қабілетті аймақтық туристік өнімді дамыту стратегиясын әзірлеу» (тапсырыс беруші – ҚР БҒМ; 2018-2020 жж.; жетекші – э.ғ.к., қауымдастырылған профессор, маркетинг кафедрасының профессоры Д.Г.Мамраева);

- «Қазақстан Республикасының кәсіпкерлік жүйесінде жастар туризмінің инновциялық бизнес-үлгілерін қалыптастыру» (тапсырыс беруші – ҚР БҒМ; 2021-2023 жж.; жетекші – э.ғ.к., қауымдастырылған профессор, маркетинг кафедрасының профессоры Д.Г.Мамраева);

- «Орталық Қазақстанда туризмді цифрландыру жағдайында smart-технологияларды қолдану негізінде қалалық туристік маршруттарды дамыту» (тапсырыс беруші – ҚР БҒМ; 2021-2023 жж.; жетекші – э.ғ.к., қауымдастырылған профессор, маркетинг кафедрасының профессоры Д.Г.Мамраева).

- «TEMPUS: Қазақстан Республикасында қонақ үй бизнесінің төрт жоғары мектебін құру»;

- «GeКavoc – Қазақстандағы логистика, мехатроника және тұрақты энергия үнемдеу саласындағы кәсіптік білім беруді жеткізу» Магдебургтегі Отто фон Герик университетімен бірлесе.

Серіктестер:

Кафедра келесі жоғары оқу орындарымен және ғылыми орталықтармен ынтымақтастыққа ие: Любляна университеті (Словения), Прагадағы жоғары экономика мектебі (Чехия), Гонконг политехникалық университеті (Гонконг), Бабеш Больяй университеті (Румыния), Томаш Бат университеті (Чехия), Карл университеті (Чехия), Вильнюс университеті (Литва), Катовицадағы экономикалық университет (Польша), Деусто университеті (Испания), Аквилла университеті (Италия), Ұлы Петрдің Санкт-Петербург политехникалық университеті (Ресей), Горно-Алтайск мемлекеттік университеті (Ресей), Ф.М. Достоевский атындағы Омбы мемлекеттік университеті (Ресей), Ресей мемлекеттік туризм және сервис университеті (Ресей), Санкт-Петербург мемлекеттік экономикалық университет (Ресей).

Кафедра келесідей отандық бизнес серіктестермен бірлесе жұмыс атқарады: «Kazakhmys Coal» ЖШС, «Бемер Арматура» ЖШС, «Gold Way» ЖШС, «Бизнес Капитал» ЖШС, DALA мейрамханасы, Naz tour KZ, Senator отельі, «Voque» мейрамханасы, Космонавт отельі, Олимпия мейрамханасы.

Аккредиттеу және көшбасшылық:

Кафедраның барлық бағдарламалары ұлттық аккредиттеуден өткен және ұлттық рейтингтерде лайықты орындарға ие.