Бейнелеу өнері және дизайн кафедрасы туралы толық ақпарат

ТАРИХЫ:

Бейнелеу өнері және дизайн кафедрасының тарихы алғаш рет Қарағанды облысының мектептері үшін «Сурет және сызу» мамандығы бойынша мұғалім кадрларын Қарағанды педагогикалық институтында (ректор С.Б. Баймурзин) физика-математика факультетінің көркем-графикалық бөлімінің базасында оқытудан бастау алады (декан, ф-м.ғ.к. К.М. Арынғазин).

1984 жылы ҚарПИ-де «Бейнелеу өнері, сызу және еңбек» мамандығына студенттерді қабылдау жүзеге асырылды (ректор С.Қ. Досмағамбетов) және сол жылы (кафедра меңгерушісі доцент, т.ғ.к. В.И. Нартя), физика-математика факультетінде (декан, физ-мат ғ.к., доцент К.З. Әлжанов) «Бейнелеу өнері, сызу және еңбекке оқыту» кафедрасы ұйымдастырылды.

ҚарПИ академик Е.А. Бөкетов атындағы ҚарМУ-мен біріктірілгеннен кейін 1996 жылы «Бейнелеу өнері және дизайн» кафедрасы құрылды (меңгерушісі доцент, ҚРСО мүшесі Б.Е. Мустафин), сол жылы «Дизайн» мамандығы ашылы. 2005-2006 жылдары кафедра меңгерушісі п.ғ.к. доцент Л.Н.Солодовиченко болды, 2006-2007 жж. - п.ғ.к., профессор М.М. Хасенов, ал 2007-2012 жылдар аралығында кафедраны филос.ғ.к., доцент Ж.Ш. Резин басқарды, 2012-2023 жж., аралығында п.ғ.к., қауымдастырылған профессор С.А.Кипшаков, х.ғ.к., доцент М.С.Нурмагамбетова, п.ғ.к, профессор ассисценті А.Ш.Манабаева, п.ғ.к., профессор Г.С.Шрайманова кафедра меңгеруші қызметтерін атқарды.

2023 жылдан қазірі уақытқа дейін кафедра меңгерушісі лауазымын п.ғ.м., Еуразиялық дизайнерлер одағының мүшесі Кошкумбаев Қ.Т. атқаруда, қазіргі таңда келесі білім беру бағдарламалары жүзеге асырылуда: 6В01406-Визуалды өнер, көркем еңбек, графика және жобалау (бакалавриат, 2019 жылдан бастап), 6В02101-Дизайн (бакалавриат 1996 жылдан бастап. Специалитет 2025 жылдан бастап), 6В02202-Бейнелеу өнері (бакалавриат, 2022 жылдан бастап).

Қазіргі уақытта кафедраның профессор-оқытушылар құрамы: 1 педагогика ғылымдарының кандидаты, құрметті профессор, 1 ҚР БҒМ ВАК профессоры; 2 педагогика ғылымдарының кандидаты, қауымдастырылған профессор; 1 педагогика ғылымдарының кандидаты, ассистент-профессор; 1 философия докторы (PhD); 1 Өңірлік менеджмент академиясының құрметті ғылым докторы; 1 ҚарҰЗУ-нің құрметті қызметкері; 4 Қазақстан Суретшілер одағының мүшесі; 8 Қазақстан Дизайнерлер одағының мүшесі; 13 Еуразиялық дизайнерлер одағының мүшесі; 1 Қазақстан Педагогика ғылымдары академиясының академигі; 2 Халықаралық ақпараттандыру академиясының толық мүшесі; 2 Қазақстан Көркемөнер академиясының академигі; 3 Қазақстан Ұлттық дизайн академиясының академигі; 1 ҚР білім беру ісінің үздігі; 3 ҚР мәдениет және өнер саласының үздігі; 1 Қазақстан ЮНЕСКО клубының мүшесі; 1 Халықаралық өнертанушылар мен көркем сыншылар қауымдастығының мүшесі.

 

БІЛІМ БЕРУ БАҒДАРЛАМАЛАРЫ:

6В01406-Визуалды өнер, көркем еңбек, графика және жобалау (бакалавриат). Бағдарлама көркем-графикалық және педагогикалық пәндерді оқумен байланысты. Оқу барысында студент визуалды өнер, көркем еңбек және графикалық дизайн саласындағы оқу-тәрбие қызметін ұйымдастырудың әртүрлі әдістерін жобалау және интеграциялау түрлерін үйренеді. Студенттердің дизайнерлік жобалау негіздері бойынша білім алу мүмкіндігі бар. Түлектер білім бакалавры дәрежесін алады және көркем еңбек, бейнелеу өнері, сызу, графика және дизайн мұғалімдері; қосымша білім беру оқытушылары, суретшілер, иллюстраторлар, фотографтар, қолөнершілер, декораторлар, әйнек пен керамика, ағаш және т.б. кескіндеме және декорация бойынша суретшілер ретінде жұмыс істей алады.

6В02101-Дизайн (специалитет). Бағдарлама дизайн ойлау әдіснамасы бар бәсекеге қабілетті мамандарды дайындаумен байланысты. Оқу барысында студент дизайн теориясы мен практикасы саласындағы мәселелерді қазіргі заманғы құралдармен, әдістермен және көркемдік жобалаудың формаларымен жұмыс істей отырып шешуді үйренеді. Студенттер педагогика және жеке әдістемелер бойынша білім алу мүмкіндігіне ие. Түлектер өнер бакалавры дәрежесін алып, графикалық дизайнер, интерьер дизайнері және декоратор, ландшафт дизайнері, киім дизайнері/сәнгері, полиграфия баспагері, 3D модельдеу дизайнері, мультимедиалық дизайнер, фотограф, өнер және дизайн саласындағы қосымша білім беру мұғалімі және т.б. болып жұмыс істей алады.

6В02202-Бейнелеу өнері (бакалавриат). Білім беру бағдарламасы жаңа Қазақстан мәдениеті мен өнерінің қазіргі заманғы даму талаптарына сәйкес шығармашылық, кәсіби-көркемдік қызметті жүзеге асыру үшін іргелі және қолданбалы білімі, зерттеу дағдылары бар бейнелеу өнері саласында кең бейінді бәсекеге қабілетті суретшіні даярлауға бағытталған. Түлектер білім бакалавры дәрежесін алады және жұмыс істей алады: суретші- кескіндемеші, кескіндеме реставраторы, көркем редактор, костюм бойынша суретші, анимация суретшісі, суретші-график, суретші-безендіруші, суретші-иллюстратор, өнертанушы

Кафедра бағдарламалары Қазақстан мен шет елдердің жастары арасында қызығушылық тудырады. Кафедрада Қазақстан, Ресей, Моңғолия, Украина елдерінің өкілдері білім алуда. 2019 жылы «Визуалды өнер, көркем еңбек, графика және жобалау» инновациялық бағдарламасы әзірленіп, алғашқы студенттер қабылданды. 2022 жылы 6B02102-Бейнелеу өнері бағдарламасы әзірленіп, алғашқы студенттер қабылданды. Кафедра түлектерінің көпшілігі университетті бітіргеннен кейін оңай жұмысқа орналасады. Біздің мәліметтеріміз бойынша бұл көрсеткіш 82%-ды құрайды.

 

АККРЕДИТТЕУ ЖӘНЕ КӨШБАСШЫЛЫҚ:

Кафедраның барлық білім беру бағдарламалары білім беру сапасын қамтамасыз ету жөніндегі тәуелсіз қазақстандық агенттікпен аккредиттелген. Олар ұлттық рейтингтерде лайықты орындарға ие.

 

СЕРІКТЕСТЕР:

Карлов университеті (Чехия, г. Прага)

Гази университеті, Анкара қ., Түркия

Акдениз университеті (Түркия)

Беларусь мемлекеттік педагогикалық университеті. М. Танка (Беларусь)

Низами атындағы Өзбек ұлттық педагогикалық университеті

Қ Қарасаев атындағы Бішкек мемлекеттік университеті. (Қырғызстан)

Жалпыресейлік ұйым («Өнертанушылар Ассоциациясы»)