Тарихы:

«Алгебра, математикалық логика және геометрия» кафедрасы 1997 жылы математика факультетінің «Жоғары алгебра» мен «Геометрия және топология» тәрізді екі іргелі кафедраның бірігуінен пайда болды. Жоғары алгебра кафедрасы 1967 жылдың қыркүйегінде Қарағанды педагогикалық институтының (ҚарПИ) физика-математика факультетінде ашылды. Кафедраның бірінші меңгерушісі ҚарПИ ректоры доцент С.Б. Баймурзин болды. 1972 жылдың наурызында ҚарПИ жоғары алгебра кафедрасының базасында ҚарМУ жоғары алгебра кафедрасы құрылды. Кафедра жетекшілері: профессор Т.Ғ. Мұстафин, аға оқытушы Н.Т.Мочернюк, доцент Қ.Ж. Жетпісов, доцент Т.Х. Макажанова. Профессор Т.Ғ. Мұстафин кафедра ұжымын құрумен қатар өзінің студенттері, болашақ оқытушылар Қ. Жетпісов, Т. Нұрмағамбетов, М. Церр, А.Р.Ешкеев, Е. Нұрхайдаровпен үлкен жұмыс жүргізді. 2013 – 2021 жылдар аралығында профессор Т.Ғ. Мұстафин атындағы алгебра, математикалық логика және геометрия кафедрасын профессор А.Р. Ешкеев басқарады. Т.Ғ. Мұстафиннің оқушысы А.Р. Ешкеев әлемдік логикалық қауымдастығында модельдер теориясының, атап айтқанда йонсон теориялары маманы ретінде танымал. 2021-2022 оқу жылында кафедра меңгерушісі болып қауымдастырылған профессор М.Т. Қасыметова қызмет атқарды.2022-2025 жылдар аралығында кафедра меңгерушісі қауымдастырылған профессор Н.Қ. Медеубаев болды. 2025 жылдың тамыз айынан бастап кафедра меңгерушісі болып қауымдастырылған профессор Р.А. Қайыров тағайындалды. 2014 жылы профессор Т.Ғ. Мұстафин атындағы алгебра, математикалық логика және геометрия кафедрасына «Механика» бағыты бойынша мамандар дайындайтын механика кафедрасы қосылды. Механика кафедрасы 2004 жылы құрылған. Кафедра меңгерушісі қызметін техника ғылымдарының докторы К.А.Турсунов атқарды. Кейін «Механика» білім беру бағдарламасы бойынша магистратура және докторантура ашылды.2021 жылдан бастап кафедрада «Робототехника және мехатроника» білім беру бағдарламасы ашылды.