ЕСЕП ЖӘНЕ АУДИТ КАФЕДРАСЫ

Есеп және аудит кафедрасына қош келдіңіз

Есеп және аудит кафедрасы бухгалтерлік есеп, аудит, мемлекеттік аудит, бағалау саласында мамандар даярлайды. Бакалавриат және магистратура бағдарламалары ҚР кәсіби стандарттарына, нарық талаптарына сай, шетелдік ЖОО тәжірибесіне негізделген. Бағдарламалардың ерекшелігі – қос диплом алу, отандық және шетелдік компанияларда тәжірибеден өту, 100% жұмысқа орналастыру. Оқыту қазақ, орыс тілдерінде, магистратурада ағылшын тілінде жүргізіледі. Студенттерге Халықаралық қаржылық есептілік және аудит стандарттары, 1С бухгалтерлік есеп, мемлекеттік сатып алулар, басқару және IT аудит, бизнесті, мүлікті, жерді, машиналарды бағалау сияқты өзекті пәндер оқытылады. Кафедра ғылыми зерттеулермен белсенді айналысады, Цифрлық экономиканы зерттеу институтымен тығыз жұмыс істейді. Жыл сайын «Есеп және аудит», «Мемлекеттік аудит», «Бағалау» бағдарламалары бойынша бес олимпиада, оның ішінде үш халықаралық қашықтық олимпиада өткізеді. Кафедра олимпиадалардың базалық университеті болды.