МЕНЕДЖМЕНТ КАФЕДРАСЫ

Менеджмент кафедрасына қош келдіңіз

Менеджмент кафедрасы менеджмент, мемлекеттік және жергілікті басқару саласында бакалавриат, магистратура және докторантура бағдарламалары бойынша мамандар даярлайды. Бағдарламалар ҚР кәсіби стандарттарына, нарық сұраныстарына және шетелдік университеттер тәжірибесіне негізделген. Оқудың ерекшелігі – қос диплом алу мүмкіндігі және ірі компанияларда тәжірибеден өту. Магистрлік бағдарламалардың бейіндік пәндері ағылшын тілінде оқытылады. Кафедра ғылыми қызметпен белсенді айналысады, қазіргі заманғы менеджмент, ауыл шаруашылығының инвестициялық тартымдылығын арттыру, көлік логистикасын дамыту, шағын бизнесті жетілдіру, ұйымдардың жаһандық әлеуметтік жауапкершілігі, минералдық-шикізат ресурстарын қайта өңдеу, көлеңкелі экономиканы қысқарту сияқты бағыттар бойынша зерттеулер жүргізеді. Студенттердің өзін-өзі жүзеге асыруы үшін ғылыми үйірмелер жұмыс істейді, олар конференцияларға қатысып, жобаларды жариялайды. Кафедра жыл сайын «Менеджмент» және «Мемлекеттік және жергіілікті басқару» бағдарламалары бойынша халықаралық олимпиада өткізеді, студенттер ғылыми жұмыстар конкурстарына қатысады. Кафедра білім алушылардың шығармашылық әлеуетін ашатын тәрбиелік іс-шаралар, конкурстар, фестивальдар өткізіп тұрады.