ФИЗИКАЛЫҚ ЖӘНЕ АНАЛИТИКАЛЫҚ ХИМИЯ КАФЕДРАСЫ

Физикалық және аналитикалық химия кафедрасына қош келдіңіз

Физикалық және аналитикалық химия кафедрасы химия, металлургия, мұнай-химия, фармацевтика салалары бойынша мамандар дайындайды. Кафедра «Химия» және «Іргелі химия» білім беру бағдарламалары бойынша бакалавриат, магистратура және докторантура деңгейлерінде көптілді білім беруді ұсынады. Студенттер «Физикалық-химиялық анализ» және «Физикалық және компьютерлік химия» траекториялары бойынша оқиды. Оқу бағдарламасына «Химиядағы есептеу нанотехнологиясы», «Кванттық механика және компьютерлік химия», «Химиялық материалдардың молекулалық дизайны» сияқты өзекті пәндер кіреді. Кафедра түлектері аналитикалық, экологиялық, кедендік, санитарлық-эпидемиологиялық, сертификаттау қызметтерінің өндірістік зертханаларында; химиялық, мұнай-химия, металлургиялық, фармацевтикалық бейіндегі ғылыми ұйымдарда; білім беру мекемелерінде жұмыс істей алады. Кафедраның ғылыми қызығушылықтары ЭПР спектроскопиясы, бос радикалдардың кванттық химиясы, халькогенидтерді физикалық-химиялық зерттеу және сұйық кристалды қосылыстарды кванттық химиялық зерттеумен байланысты. Кафедрада химиялық қосылыстар мен реакцияларды компьютерлік модельдеуді жүзеге асыратын арнайы зертхана бар.