САЯСАТТАНУ ЖӘНЕ ӘЛЕУМЕТТАНУ КАФЕДРАСЫ

Саясаттану және әлеуметтану кафедрасына қош келдіңіз

Саясаттану және әлеуметтану кафедрасы 1995 жылы құрылып, саясаттану мен әлеуметтану саласында бакалаврлар мен магистрлерді даярлайды. Студенттер «Саясаттану» және «Әлеуметтану» траекториялары бойынша оқиды. Саясаттанушы студенттер «Саяси билік», «Терроризм мен экстремизмге қарсы тұру саясаты», «Қазақстан Республикасының ұлттық қауіпсіздігі», «Әлемдік саясат және халықаралық қатынастар» сияқты пәндерді оқиды. Әлеуметтанушы студенттер «Басқару әлеуметтануы», «Әлеуметтанулық зерттеулер жүргізу әдістемесі», «Этноәлеуметтану», «Отбасы әлеуметтануы» және т.б. пәндерді меңгереді. Кафедра студенттері ақпараттық ресурстарға және ғылыми әдебиеттерге қол жеткізе алады. Екінші курс студенттері мемлекеттік органдарда және оқу орындарында тәжірибеден өтеді. Түлектер мемлекеттік органдарда, сараптамалық-талдамалық қызметте жұмыс істей алады және сабақ береді. Кафедра «Трансформацияның қазақстандық моделі: әлеуметтік-саяси контексі», «Гендер және отбасы әлеуметтануы» сияқты ғылыми бағыттар бойынша белсенді зерттеулер жүргізеді.