ҚЫЛМЫСТЫҚ ҚҰҚЫҚ, ПРОЦЕСС ЖӘНЕ КРИМИНАЛИСТИКА КАФЕДРАСЫ

Қош келдіңіз қылмыстық құқық, процесс және криминалистика кафедрасына

Қылмыстық құқық, процесс және криминалистика кафедрасы заңдылық пен құқықтық тәртіпті қамтамасыз етуге бағытталған сот, прокуратура және құқық қорғау салаларына кәсіби мамандарды даярлайды. Оқу бакалавриат, магистратура, докторантура деңгейлерінде, сондай-ақ қос дипломды бағдарламалар шеңберінде жүзеге асырылады. Студенттер «Құқықтану» бағдарламасы аясында қылмыстық-құқықтық бағытта, сонымен қатар сотқа дейінгі тергеу, прокурорлық қадағалау, сот қызметі бойынша арнайы бағытта білім алады. Оқу бағдарламасына қылмыстық және азаматтық құқық, процестер, сондай-ақ қаржылық, салықтық, еңбек, экологиялық, кәсіпкерлік құқық, криминология, сот риторикасы, криминалистика кіреді. Қосымша пәндер – заң логикасы, психология, сот медицинасы мен бухгалтерия. Ғылыми жұмыс қылмысты алдын алу, сыбайлас жемқорлықпен күрес, жаза қолдану, тұлға құқықтарын қорғау мәселелерін қамтиды. Түлектер сот, прокуратура, тергеу, ҚАЖК, адвокатура және мемлекеттік қызмет салаларында жұмыс істейді. Кафедра криминалистика зертханасымен және мультимедиялық аудиториялармен жабдықталған.